Premium News
SENATE DISOWNS REPORT OF ITS APPROVAL OF CREATION OF 31 STATES
Nigeria Senate Describe Reports Of Approving Creation Of 31 New States As
Nigeria National Assembly don describe tori wey dey spread say lawmakers don approve di creation of 31 new states for Nigeria as fake news.
Tok-tok pesin for di Senate, Yemi Adaramodu tell BBC News Pidgin say di “National Assembly alone no fit create states for Nigeria, plus di proposal go pass through various stages of constitutional amendments, wey include further public hearings”.
Di proposal for state creation must also get di approval of two-third majority of di number of states houses of assembly. “Na thorough process,” senator Adaramodu add.
BBC News Pidgin seek oga Adaramodu response afta we spot tori wey pipo don share plenty times on WhatsApp wia dem claim say di Senate don give green light for di creation of di 31 new states.
Na for February 2025, di House of Representatives committee on constitutional review tok say dem receive proposals for di creation of 31 new states for di federation.
Chairman of di committee, Benjamin Kalu propose say make dem create six new states for North Central, four for North East, five for North West, five for South East, four for South-South and seven for South West.
If di National Assembly approve dis proposal, Nigeria go get 67 wey go big pass di 50 states wey America get.
Wen di process go conclude neva dey clear, as senator Adaramodu tok say na long process wey involve various stages of constitutional amendments.
Wetin Nigeria constitution tok on state creation
Section eight of di Nigeria constitution make provision for how to create a new state for di kontri.
First, di request for new state go dey supported by at least two-thirds majority of members wey dey represent di area demanding di new State for di National Assembly (both Senate and House of Reps), di State House of Assembly of di area, and di local goment councils of di area.
Den di proposal for creation of state go enta referendum – voting – wia at least two-thirds majority of di people for di area go vote in support or against di demand for creation of di State.
Afta dat, di result of di referendum go dey approved by a simple majority of all di states of di federation supported by a simple majority of members of State Houses of Assembly.
Di last step na for di proposal to dey approved by a resolution passed by two-thirds majority of members of each of di Senate and House of Representatives.
Breakdown of di proposed states
NORTH-CENTRAL
BENUE ALA STATE from Benue State.
OKUN STATE from Kogi State
OKURA STATE from Kogi State
CONFLUENCE STATE from Kogi State
APA-AGBA STATE from Benue South Senatorial District
APA STATE from Benue State.
A 37th state, wey dem go name FEDERAL CAPITAL TERRITORY, ABUJA
NORTH-EAST
AMANA STATE from Adamawa State.
KATAGUM STATE from Bauchi State.
SAVANNAH STATE from Borno State.
MURI STATE from Taraba State.
NORTH-WEST
NEW KADUNA STATE and GURARA STATE from Kaduna State.
TIGA STATE from Kano State.
KAINJI STATE from Kebbi State.
GHARI STATE from Kano State
SOUTH-EAST
ETITI STATE go be di sixth state for di South East geopolitical zone.
ADADA STATE from Enugu State.
URASHI STATE from South East geopolitical zone.
ORLU STATE from di South Eastern Region of Nigeria.
ABA STATE from the South Eastern Region of Nigeria.
SOUTH-SOUTH
OGOJA STATE from Cross River State.
WARRI STATE from Delta State.
BORI STATE from Rivers State.
OBOLO STATE from Rivers and Akwa Ibom States.
SOUTH-WEST
TORU-EBE STATE from Delta, Edo, and Ondo States.
IBADAN STATE from Oyo State.
LAGOON STATE from Lagos State.
IJEBU STATE from Ogun State.
OKE-OGUN from Ogun State
IFE-IJESHA from Oyo, and Osun states.
